Saturday, 26 January 2013

Candle in the wind.


A  dream  the  flowers  did  weave,
a trail of fragrance flowers leave,
the  anklets  tinkling at  her  feet,
her laughter echoing out so sweet,
blessing to live that beautiful day,
the full moon  in the  east sky lay,
made noise as they blew the cold winds,
covered with warm clothes moved mankind,
against the velvety black twinkled the stars,
the little lamp against the darkness raged wars,
gentle hands of the almighty rest our hopes,
silently  moved the  night  in  a  black robe,
at dawn the golden globe of the Sun'll  glow,
out the silver shadow of the moon'll flow.

Baar baar din ye aaye baar baar dil ye gaye tu jiye hazaron saal ye meri hai aarzoo happy b'day 2 me :)....

Bharat ke veer.


Mathe par lagakar dharti ma ka raj,
vijay path par lahraya dhwaj,
chale gaye veeron ke vanshaj,
chod gaye apne peeche pad pankaj.

Aankhon me tha taaron ka mandal,
dhoop me tha ma ka aanchal,
divyaman tha unse ma ka bhal,
tilak karta ugta suraj lal.

Veer saputon se bana desh vishal,
achal himalaya tha jiska dwarpal,
gauravanwit jo kar gaye ma ke lal,
unse hai ma ka chehra lalam.

Unme basat hai bharat ma ke pran,
unse andhkarmay path prakashman,
puja ke phool arpit karen us dewal,
hriday me bahti  prem sarita jahan nirmal.

Friday, 25 January 2013

25th Jan 2013.

Was searching for bronze this is what I got:).









...kuch hai aankhon ka rishta, gussa ikraar ka hai ye...:) this is what Ashish said my feeling was on that day years back:). I don't fully agree 2 this :).

Tuesday, 15 January 2013

Khilta kamal.


Ram rahim nanak ki bhumi,
yishu bhi chadh gaye shuli,
jab duniya ne manavta bhuli,
danavta ne talvaar chumi.

Har jeevan hota hai paawan,
khile phool lagte manbhavan,
phir kyun dwesh ghrina rangarjan,
dharti par layen nandan van.

Andhkar me jale ek jyoti,
satya ahimsa prem niti,
inki sab karte hain stuti,
manav se jud manavta jeeti.

Jab chaye hon ghanghor badal,
jiyo aise jaise khilta kamal,
sundar hai jeevan saral,
mat khone do man ka parimal.

Some flowers on my way:).

Happy makarsankranti, n happy new year, the day began with chuda dahi n tilkut yesterday n today, thanks to the friendly uncle who started this tradition of sending them home everyyear on this occasion n parents sending sewai lachha on Eid wonderful India. Took these pics today, earlier ones taken on 13th:). 








Monday, 14 January 2013

New year blooms.

These flowers are in bloom in the garden below my window, the orange one bloomed in 2012 n still fresh, had read somewhere that flowers stay in bloom for a period of fourteen days which was a surprise to me but this one lived longer:). 



Saturday, 12 January 2013

Jab aana tum.

Had come across these flowers during my childhood for the first time. The view of these Palash ke phool were breathtaking during one of the journeys from Ranchi to Patna.These trees in full bloom were seen thru out n then came the palm trees n the green fields... Love them donno why:).


Jab is nirjar jeevan me ana tum,
arun ki deepti ko sang lana tum,
kuch palash ke phool tod lana tum,
meri nishtha ko magar waapas lana tum,
ye vishaal aakash mat lana tum,
magar pairon tale dharti lana tum,
aaraadhya bhoomi ko bachana tum,
jab shool kulish se guzarna tum,
hriday pradeep na bujhne dena dena tum,
jab vijay suman lana tum,
har dwesh se ladkar ana tum,
lahoo ke antim boondon tak veera kehlana tum,
jeevan ki trishna ko kuch aise bujhana tum,
adhure jeevan me ek samashti de jana tum,
jeevanpath par (sheeghrdrishtigocharho) sang chalna tum,
manzilon par vedna kalanti bhula jana tum,
prem hai aradhna man ka ise sweekrit karna tum,
jiski archana me paye hum sansar vistrit,
woh archana pashaan mujhe de jana tum.

Hame shakti dena.


Manavta ke pukar par hum,
apna sarvasw lutayenge,
jin aankhon me aansoo ho,
muskan ke phool khilayenge.

Bhulkar jati dharm varn,
aaye jo tere sharan,
andhakarmay rahon me,
hum prakash ke deep jalayenge.

Drishtiheen ko deta tu drishti,
tera ashish hai yeh shrishti,
sote hue bhaiyon ko hum ,
aawaz dekar jagayenge.

Aah nikalte labon par,
geeton ko hum sajaayenge,
teri mahima hum gayenge,
manav garima hum badhayenge.

Jinki duniya lut gayi,
ek naya jahan hum basayenge,
bhool baithe jo apni kshamta,
unko sashakt karaayenge.

Hriday me karuna jagaayenge,
sheetal varuna bahaayenge,
jo deen dukhi aaye raah me,
hum unko gale se lagayenge.

Thursday, 10 January 2013

Mother Teresa.


Manavta se jisko tha anuraag,
duniya se liya jisne vairagya,
jeevan jiska tha ek sangram,
ek pal ko na tha jis ko aaram,
sahaanubhuti prem se thi sashastra,
nahi thi woh kamzor asahay nirastra,
woh bahti prem ki dhara awiral,
ma ki god me muskata shishu vatsalya,
kiranon ki vibha karti jiski aarti,
achal khadi rahti jab manavta pukaarti,
jahan se guzarti khushiyan jaati bikhar,
aatmsamarpan ke chume jisne shikhar,
ma ke naam se duniya ne kiya sweekrit,
prem paya sare sansar ka vistrit.

Wednesday, 9 January 2013

Shitij par jage naya arun.


Tum  ho   veeron   ke   vanshaj,
uncha   rakhna   apna   dhwaj,
gauravanvit   ho   tumse   raj,
khilta     rahe   anant  ye pankaj.

Shitij  par jaage   naya   arun,
sheetal  mand    bahe     varun,
ansuni  na   ho   pukar   karun,
manavta ne li tumhari sharan.

Amulya dhan hai aatm samman,

uske  bina  kaise  koi  ho  mahan,
har  samasya  ka dhundho nidaan,
tum se ho desh ki mahima ka vitan.

Akash ke  phere  kabhi  lagata  ravi,

kabhi sheetal karta dhara ko shashi,
samay ka chakr har pal hai chalta,
parishram  se   milti   hai   safalta.

Har karm nek hai karte jao  kuch  karm,

sare dharm ek hain manavta hi to dharm,
jeevan path phoolon ki tarah nahi narm,
kabhi hai hariyali kabhi registan garam.

Sun   lo  apne  antarman  ki    pukaar,

aatmbal  hai   sabse   bada   shringaar,
khushiyon ke sath karo phool kante sweekar,
sang rahega  sada  tumhare  basant  bahaar.

The Parrots are back :).





In the chilly winter, when sunlight fall on these neighborhood trees n Parrots play about in the warm sunlight it feels too good to spot them out on a silent morning. Last year had taken similar pics which gave me a surprise a week back but when I came across a similar situation the same feeling came back, I feel 2 happy when I come across birds, it feels warm to see them, nature's wonder that is all I can say.

Saturday, 5 January 2013

Babul--May u live long.



Babul se ye nata gehra,
parvarish me koi kasar na chodi,
bitiya se ho jeevan gauravmay,
safalta ki hamen raah dikhaayi.

Rahon se chun chunkar shool,
bade jatan se bichaye phool,
dikhayi raah uchaayiyon ki,
himmat se jeene ki raah dikhayi.

Maanavta ka paath padhaya,
shiksha se sashakt karaya,
balisht hain hum yahi samjhaya,
nahi kabhi kisi se kam bataaya.

Beti nahi jee ka janjaal,
beton ke baraabar diya usko maan,
aatmabal sabse badi taakat,
sandesh-miljulkar lagao jugat.

Apni ichhaon ko dabaaya,
hamari khushi ke liye sab lutaya,
bhrasht raahon se hame bachaya,
neeti satya ke raahon pe chalaya.

Khushiyan laye naya varsh.


Door kahi jab din dhal jaye ,
aur aise me woh yaad aaye,
rom rom pulkit ho jaye,
vedna me bhi sukh de jaye.

Us me naya jeevan hum payen,
dukh ki ghadiyon me sathi hum payen,
sukh me to woh hosh gavaye,
aur yahan baithe hum paghuraye.

Abki saal kuch aise aaye,
bahut saari khushiyan laye,
phir se ise hum sajayen sawaren,
sankat se ab ise ubaren.

Kya dekhen kisme kya dosh,
rahe door doshon ka kosh,
jeevan me layen sfoorti josh,
ab aur na gavaayen hosh.

Ab shuru karen kuch pathan paathan,
anandmay ho jeevan ab aur nahi maran,
kuch ratan kar path kare sansmaran,
asambhav ho sambhav gar karne do jatan.

Har pal dete ho tum mujh ko kasht,
karte ho bahut samay mera nasht,
kya sach me tum ho santusht,
kya pate khud ko tum shreth.

This is not very correct hindi but interesting to write.

Nari.

Jahan ho nari ka samman,
wahi sanskriti banti mahan,
mil jul kar tum raho paraspar,
pratipal uchayiyan pane ko tatpar.

Aadhi safalta nari se,
samaj banta hai nari se,
srishti ki rachna nari se,
chalta hai sansar nari se.

Wahi hai shaktishali durga,
wahi hai veenadhari sharda,
sarwasv nyochawar karti woh mata,
jeewan sangini swaroop bhejta vidhata.

Srot prem ki woh nishchal,
aseem dukh sahne ko saksham,
usi se ghar me ata sambal,
garima gaurav badhati pratipal.

Very initial days -Sujata had told me that Ashish cud not be the topper of his school bcoz he didn't score good marks in hindi, most probably she was praising him on his behalf:), he had got marks in 70s, same was with me bcoz had got stuck up writing the essay n had to shift to the next essay which led to a lot of time being wasted n there4 the paper was left incomplete, an uncle who was the attendant  of a patient, at Raj hospital had offered me his book of poems(a very thin book ), he said his family did not pay attention 2 his poems:), n later while going thru them I realised that the book with the collection of hindi poems are infact Ashish's poems, n there is no doubt that he is a master of hindi as well, whatever have written is all bcoz of him:).
Even he has written a poem Nari which he hasn't paid much attention 2.

Jyoti.



Man ko banao itna vishal,
yaad karega tumko kal,
ucch koti ke ho sanskar,
sabhi gunon ka ho vistaar.

Jahan hai gun wahin prerna,
jahan hai sukh wahin vedna,
har pal jage nayi chetna,
antarman ko zara kuredna.

Sukh shanti phaile sansaar,
kalam nahi ye hai talwar,
vishv ko jeet gaya sikandar,
dilon ko jeeto tum dhurandhar.

Samay vinay sang karta vinti,
ho ujaagar ek nayi sanskriti,
kutch aise bahen shabdon ke moti,
prajjwalit ho man ki jyoti.

Asha vishwas.



Gunon ka vistrit ho saagar,
ho chetna aur ujaagar,
gyan, vivek budhi se vaibhav,
asambhav bhi hote hain sambhav.

Rahon me gar ho shool angare,
phir bhi chalte gaye jo pyare,
jeevan unka bana behta neer,
jana us path jis par gaye veer.

Bahti hai jeevan ki dhara,
isme gar dhoondh liya kinara,
safalta mulegi use nishchit,
rutkta nahi ye samay kadachit.

Shareer hai hamara nashwar,
har pal kuch karne ko tatpar,
sundarta to hoti hai amar,
karya kar jao tum kuch sundar.

Jaagti hai jeevan me aasha,
samay ko jisne tarasha,
jeevan me aaya divya prakash,
jaga man me vishwas.

Jeevan maanavta ko ho arpan,
purn roop se karen samarpan,
jag kalyani man ho ek darpan,
nishchal rom rom pulkit ho paawan.

Jhankrit hota boondon ka spandan,
deta hai hame jeevan darshan,
jaise andhkar me prakash lati kiran,
har pal asha vishwas bharo antarman.

Thursday, 3 January 2013

Jeevan hai sangharsh.

Jeevan tumhara hai sangharsh,                              First sunrise of 2013:).
unche rakhna apne aadarsh,
dukh rahe door phailana tum harsh,
bas chalte rahna hai nishkarh.

Man me jaage sfoorti umang,
uthne do lahron ke tarang,
khushiyan chalen tumhare sang,
Kuch bhar lo jeevan me rang.

Sanse le har pal jeevan,
har din laye, aasha ke kiran,
kastoori ko kahan dhoondhe hiran,
sooraj jage ho nayi nootan.

Maanvta ki sun lo pukar,
kar lo ye sandesh sweekar,
naye bhaav har pal le ankur,
soojh boojh se badhe nirantar.

Jeevan banaao apna saral,
prem bhaav jisme bahe awiral,
sheetal kare sab ko sheetal,
man me jage bhaav nirmal.

Koi bhi janm se nahi mahaan,
prayatn karne me hai shaan,
jatan karo jab tak hai praan,
aise jiyo ki sab karen gungan.

Naya Purana.

Puraane ko hai chale jaana,
naye ko ab hai aana,
zindagi ka kaisa tana baana,
samay ka pahiya chalta deewana,
lana phir khushiyan lana,
kuch muskuraahaton ka nazraana,
muhabbat dilon me jagana,
hoton pe geeton ko sajaana,
bichdae dilon ko milana,
naye savere ko hai ugaana,
khushiyon ke phoolon ko khilana,
nayee uchayiyon ko parwaaz lagana.